Sa pagsisimula ng ikatlong season ng nangungunang drama anthology na Star Confessions, alamin ang drama sa likod ng kilalang kaaway ng mga kawatan at kakampi ng mga naaapi—si Mr. Ramon Tulfo sa de-kalibreng pagganap ni Mr. Phillip Salvador.
Panganay sa tinaguriang Tulfo brothers, hindi naging madali para kay Mon na tahakin ang mundo ng pamamahayag. Hindi man pinalad na sundan ang yapak ng kanyang amang sundalo, nagsumikap ang popular na kolumnista at TV host upang marating ang kinalalagyan niya ngayon. Sinanggahan ng walang takot na mamamahayag ang kaliwa’t kanang banta sa kanyang buhay at mga kaso ng libelo mula sa mga kilalang opisyal ng gobyerno upang manindigan sa katotohanan—ang prinsipyong, ayon kay Mon, ay nananalaytay sa bawat miyembro ng kanilang pamilya.
Antabayanan ang maaaksyon at makukulay na pangyayari sa buhay ng mamahayag na gagampanan ni Mr. Phillip Salvador. Bahagi rin ng produksyon sina Anyka Asistio bilang unang asawa ni Mon; Ms. Carmi Martin bilang si Josephine, pangalawang asawa ni Mon; at Ricardo Cepeda bilang si Col. Tulfo, ama ng magkakapatid na Tulfo.
Mula sa pagsasalaysay ng tinuturing na Ina ng Showbiz Talk na si Ms. Cristy Fermin, hihimayin ng programa ang ang mga pagsubok at tagumpay na naging mahalagang bahagi ng buhay ng “sumbungan ng mamamayan” ngayong Miyerkules ng gabi (Hunyo 8) pagkatapos ng Mga Nagbabagang Bulaklak sa TV5.
No comments:
Post a Comment