Paalala para sa Wil Time Bigtime Anniversary Show

Tweet

Isang masaya at kapanapanabik na Sabado ang naghihintay para sa mga fans ng Wil Time Big Time sa pagdiriwang ng First Year Anniversary ng sikat na show.

Lubos na pinaghahandaan ng TV5 ang engrandeng selebrasyon na ito na magaganap sa Smart Araneta Coliseum sa October 22. Bukod sa paghahatid ng kasiyahan sa mga Kapatid, security at safety ang top priority ng TV5. Ginagawa ng network ang lahat ng kanilang makakaya upang matiyak ang kaligtasan ng mga dadalo sa nasabing event. Ang TV5 at Wil Productions ay patuloy na nakikipagtulungan sa management ng Araneta, sa local government unit, pati na rin sa PNP.

Naipamigay na lahat ng tickets para sa anniversary show at wala ng ipamimigay pa sa araw ng event, kaya pinapaalalahanan ang mga walang tickets na huwag na pumunta sa Smart Araneta Coliseum at manood na lamang ng Wil Time Bigtime sa kanilang mga tahanan.

Ang mga ticket holders ay maaari lamang pumasok at maupo sa lugar na naaayon sa kanilang ticket. Halimbawa, ang mga may Yellow Ticket ay sa Yellow Area lamang. Ang mga may Red ticket ay sa Red Area at ang mga may Green Ticket ay sa Green Area

Pinapaalalahanan ang mga dadalo na huwag magsama ng mga batang 7 years old pababa at may height na bababa sa 4 ft dahil sila ay hindi papasukin, may ticket man sila o wala. Ang mga 8-17 years old ay papasukin lamang kung sila ay may kasamang nakatatanda na may ticket din.

Ipinagbabawal din ang pagdadala ng malalaking bag at pagkain at inumin na mula sa labas ng Smart Araneta Coliseum. Ang mga payong ay hindi rin pahihintulutan sa loob ng venue. Maaring iwanan ang mga payong sa gate.

Alas-sais ng umaga ng Sabado ang simula ng pila kaya huwag pupunta sa Smart Araneta Coliseum ng mas maaga pa doon.

Para sa mga walang ticket, tumutok na lang sa Wil Time Bigtime sa Sabado dahil mas malaki pa ang pagkakataon ninyong manalo ng cash prizes, kotse, at brand new house and lot. Sumali na sa Wil Time Bigtime Anniversary text promo at maging text partner.

I-text lang ang WIL at i-send sa 2346. Halimbawa: "WIL happy anniversary kuya wil! Mabuhay ka!” P2.50/SMS sa Smart at Globe subscribers; P2.00/SMS sa Sun subscribers. Per DTI #7245 Series of 2011.