Makaraang bumalik ng panandalian mula sa Australia, naging siksik ang schedule ng TV5 Princess na si Jasmine Curtis-Smith at syempre ng bagong Bad Boy ng Philippine TV na si JC De Vera.
Naging kaliwa't kanan ang promotion ng dalawa sa kanilang bagong show sa Kapatid Network.
PALENGKE TOUR
Sabado ng umaga, tumulak ang ilan sa cast sa Quezon City para libutin ang ilan sa mga matataong palengke doon at personal na imbitahan ang mga kapatid nating manood ng g AUKH.
Unang pinuntahan ang MURPHY MARKET, sumunod ang MEGA Q-Mart at ang KAMUNING PUBLIC Market. Nilibot ng mga stars ang mga lugar na ito para mamahagi din ng TV5 premium items.
Sabado din ng gabi naman inilunsad ang tamblang JC - JASMINE sa mga miyembro ng PRESS.
Kabilang na rin ang buong cast sa isang enggrandeng Press Launch na ginawa naman sa Mandaluyong City.
MOTORCADE & MALL SHOW
LiwasangBonifacio naman ang assembly area sa Day 2 ng Promo Weekend ng AUKH. Nagtipon ang lahat ng cast maging ang mga KAWASAKI Riders sa plaza para sa isang motorcade na umikot sa ilang bahagi ng Maynila. Game na game na sumakay si Jasmine sa motorsiklo na nakalagay sa kanilang float.
Pagkatapos ay nagtungo naman ang buong team sa SM Taytay para sa isang Mall Show na inihanda para sa mga TV5 stars at mga Kapatid na taga-Rizal.
Simula LUNES (Sept 12) ay pasasabugin na ang pinaka-eksplosibong AKSYONSerye sa Telebisyon, Ang Utol Kong Hoodlum sa TV5 (After BANGIS)
