Wednesday, June 6, 2012

Arci Munoz sa Miss World 2012 Philippines Pageant?


Matagal na raw balak ni FELINA star Arci Munoz na sumali sa isang beauty contest. Sa mga TV5 events laging pabirong nag-eensayo si Arci na kunwa'y isang contestant
sa isang pageant. 

Kaya naman noong minsang mag-krus ang landas nina Arci at ni Ms. Cory Quirino, ang Pageant Director ng Miss World Philippines sa isang mall show ng TV5 sa Cebu, ay muling nabuhay ang interes ng dalagang sumali sa pageant.



Agad na nag-fill-up ng MWP Application form si Arci na isa sa mga requirement upang makapasok sa screening ng mga nagnanais sumali sa naturang beauty contest.

Pero noong panahong iyon ay di pa ganun kasigurado ang dalaga dahil hindi pa daw siya nakakapag-paalam sa kanyang manager na si Ms. Anabelle Rama. Kaya laking gulat na lang ng lahat ng biglang sumipot si Arci sa final screening ng Miss World 2012 Philippines sa TV5 Studio sa Broadway kahapon (June 5)

Mapapanood ang Miss World 2012 Philippines Coronation night ngayong Hunyo sa TV5! Gaganapin naman ang Miss World main pageant ngayong Agosto sa Inner Mongolia, China at papalabas din sa TV5.

1 comment:

Dave Pascht said...

I will would like to win this in the contest!