Nora Aunor Weekend Special, handog ng TV5 bilang kick-off celebration sa ika-45 taon sa showbiz ng Superstar

Tweet

Sa pagdiriwang ng ika-45 taon sa showbiz ng nag-iisang Superstar, handog ng TV5 ang natatanging mga pagganap ni Ms. Nora Aunor ngayong weekend sa Untold Stories at Third Eye. Siguradong hindi na naman malilimutan ang mga papel na gagampanan ni Ate Guy sa mga nasabing palabas.

Humarap ang multi-awarded actress sa entertainment press para mag-promote ng kanyang espesyal na pagganap saUntold Stories bilang si Sister Thelma Layog at sa Third Eye bilang si Ditas Gregorio. Ilang araw lamang ang nakalipas mula nang makabalik ito mula sa Italya kung saan pinakita at pinarangalan ang pelikulang Thy Womb na idinirehe ni Brillante Mendoza.

Sa Untold Stories, gaganap si Ate Guy sa papel ng isang madreng piniling lumisan sa kumbento upang makasama ang lalaking minamahal. Ang naturang kwento ay hango sa tunay na buhay ng madre at ng kanyang asawang si Danny na gagampanan ni Yul Servo. Muling magtatambal ang dalawa matapos magkatrabaho sa pelikulang Naglalayag. Bagama’t pinagbigkis ng pag-ibig, hindi pa rin ligtas sa mga puna at pagsubok ang pagsasama ng dalawa — lalo pa’t halos dalawang dekada ang agwat ng kanilang mga edad.

Kaabang-abang din ang naiibang papel ni Ate Guy sa supernatural mystery drama na Third Eye. Siya rito si Ditas Gregorio, isang janitress sa isang paaralan na napilitang ipamalas ang mga ritwal na matagal na niyang tinalikuran upang sagipin ang mga inosenteng mag-aaral na sinapian ng demonyo. Sa direksyon ni Jon Red (siya rin naging direktor ni Ate Guy sa mini-seryeng Sa Ngalan ng Ina), ang episode na ito ay itinuturing na reunion project ni Ate Guy at ng Grand Slam actress na si Lorna Tolentino. May 30 taon na ang nakakalipas nang magsama ang dalawa sa kanilang unang pelikula (Mga Uod at Rosas).  Kwento ni LT, “Sa taping, kapag eksena na niya [Ate Guy], pinapanood at napapamangha na lang ako sa kanya. I told myself, ‘I want to act with her in a full-length movie. Kahit saan niyo pa kami dalhin.’”

Tuwang-tuwa rin ang batang aktres at bida ng Third Eye na si Eula Caballero nang muling makasama si Ate Guy sa isang TV project. “Napayakap na lang ako kay Ina (tawag ni Eula kay Ate Guy) noong makita ko siya uli sa taping. I owe a lot to her because she was generous enough to teach me everything when we were taping for Sa Ngalan.”

Matagumpay na pagpapalabas ng Thy Womb sa 69^th Venice International Festival kung saan nag-uwi ng Bisato d'Oro Award si Ate Guy. Iginawad ang parangal ng isang grupo ng independent film critics doon. Bitbit naman ni Direk Brillante ang La Navicella Venezia Cinema Award mula sa Rivista del Cinematografo. Habang nandoon si Ate Guy, ipinalabas din ang restored at high-definition version ng Himala sa naturang film festival. Magkakaroon din ng special screening ang Thy Womb sa Toronto International Film Festival (TIFF).

Kaliwa’t kanan ang ipinapamalas na pagkilala sa kontribusyon ni Ate Guy sa showbiz. Kasalukuyang itinatanghal ang Bonana nauna nang pinagbidahan ng Superstar sa pelikulang idinerehe ni Lino Brocka. Pag-amin ng Noranian na si Eugene Domingo na siyang gumaganap na makabagong Bona, gusto niyang ma-please si Ate Guy sa kanyang pagbibigay-buhay sa karakter na minsan nang pinasikat ng Superstar. “Ang gusto ko mangyari, maaliw si Ate Guy sa Bona naming ito.  Ilang taon, ilang dekada niya tayong inaliw sa mahusay niyang pagganap, panahon na na siya naman ang ating aliwin,” pahayag ni Uge.

Huwag palalampasin ang back-to-back drama special ng nag-iisang Superstar ngayong Sabado sa Untold Stories(pagkatapos ng Artista Academy) at sa Linggo sa Third Eye (pagkatapos ng Who Wants to Be a Millionaire) sa TV5.

Lorna Tolentino at Nora Aunor magkakasama sa TV5!

Tweet

Kaliwa't kanan ang tine-tape ngayon ni Superstar Ms. Nora Aunor sa TV5, ito ay bilang paghahanda na rin sa nalalapit niyang pagtulak sa ibayong dagat para sa pagsabak ng kanyang pelikulang "THY WOMB" sa mga International Film Festivals.

Kamakailan ay pinost ni Ms. Lorna Tolentino sa kanyang INSTAGRAM account ang mga larawan ng eksena nila ni Ate Guy.

Hindi pa malinaw kung ano ang magiging papel ng Superstar sa suspense-thriller series na ito ng Kapatid Network na napapanood tuwing LINGGO, 930PM.

Abangan natin ang mga karagdagang detalye tungkol sa espesyal na episode na ito ng "THIRD EYE".

Kapatid stars clinch major awards at 9th Golden Screen Awards for Movies

Tweet

Kapatid stars have yet again proven their mettle as actors in the silver screen as they ruled the Entertainment Press Inc.’s 9th Golden Screen Awards for Movies held recently.

Aga Muhlach, who is regularly seen in Pinoy Explorer, bagged his second Best Actor trophy this year after he was declared Best Performance by an Actor in a Leading Role-Drama trophy for his performance in the movie “In the Name of Love.” He was earlier hailed Movie Actor of the Year at the 28^th Star Awards for Movies.

Edgar Allan Guzman and Martin Escudero were tied in the Best Performance by an Actor in Musical or Comedy for “Ligo Na U, Lapit Na Me” and “Zombadings 1: Patayin sa Takot si Remington,” respectively. Earlier at Gawad Tanglaw, Kapitan Awesome actor Martin Escudero was hailed Best Actor while Lokomoko star Edgar Allan Guzman was finalist in the same category for the said movies.

Meanwhile, NEWS5 program manager Kristoffer Brugada won the the Best Story trophy for the indie film “Patikul.”

The Golden Screen Awards also conferred the Lino Brocka Lifetime Achievement Award to the one and only Superstar, Ms. Nora Aunor. The said lifetime achievement award was Superstar’s second this year after she was listed among Gawad Tanglaw’s “11 Pinaka Kapuri-puring Artista ng Dekada.

Following her return to the Philippines late last year, the Superstar has received distinctions from several award-giving bodies including a Lifetime Achievement Award and an Icon of Original Pilipino Music (OPM) from the PMPC Star Awards for Music, the Honorary Originals of Philippine Cinema Award at the Cinema One Originals Independent Film Festival, another Lifetime Achievement Award at the 13th Cinemanila International Film Festival, and Hall of Fame at the Star Awards for TV.

'Pakinggan ang Themesong ng "Sa Ngalan ng Ina"

Tweet

Pinamagatang "Ikaw Pa Rin Ang Mahal Ko", Narito ang themesong ng kauna-unahang MiniSerye ng TV5 tampok ang Nag-iisang Superstar na inawit ni Mr. Basil Valdez

Mapapanood ang "SA NGALAN NG INA" simula LUNES, October 3 sa TV5 pagkatapos ng Wiltime Bigtime

Sa Ngalan ng Ina mapapanood na!

Tweet

Inihahandog ng TV5 ang kauna-unahan at bukod-tanging

Mini-Serye sa telebisyon.

Ito ang pagbabalik ng isa sa pinakatanyag na director na si Mario O' Hara, kasama ang multi-awarded director na si Jon Red.

Ang "Sa Ngalan ng Ina" tampok ang nagbabalik na si

"Ms. Nora Aunor" at Christopher De Leon.

Panoorin ang FULL TRAILER dito:

Magsisimula na ang "Sa Ngalan ng Ina" sa October 3, Pagkatapos ng Wiltime Bigtime" sa TV5.

Maraming Salamat, Mga Noranians! Maraming Salamat Kapatid!

Tweet

Abot-abot ang pasasalamat ng Kapatid Network sa mga Noranians para sa matagumpay na unang Fans' Day ng nag-iisang Superstar, Ms. Nora Aunor!

Simula pa lang ito ng mga sorpresang handog ni Ate Guy sa kanyang pagbabalik.

Napabalitang sisimulan na ni Direk Mario O'Hara ang taping ng mini-serye ng Superstar sa isang linggo na pinamagatang - "Sa ngalan ng Ina".

'Araw ng mga Noranians'

Tweet

Nagmistulang "PAMBANSANG ARAW NG MGA NORANIANS"

ang ika-7 ng Agosto, makaraang isagawa ng TV5 ang

kauna-unahang Fans' Day para sa nag-iisang SUPERSTAR.

Mahigit 600 na mga taga-hanga ang napa-unlakan upang

makasama si Ms. Nora Aunor sa natatanging okasyong ito

na ginanap sa TV5 Broadway Studios.

Present ang mga anak ng Superstar na sina Matet at mga anak,

si Kiko at si Mr. Ian De Leon na nilapitan ng personal ang mga

masusugid na taga-hanga ng kanyang ina.

Nagkaroon di ng mga fun games para sa mga Noranians at ang

mga nagwagi ay nag-uwi ng mga limited edition

SUPERSTAR gift items.

Samantala, 100 mapapalad na bahagi ng audience naman ang

pinahintulutang makadaupang-palad si Nora. Naging

emosyonal din ang ginawang photo opportunity na tumagal

nang mahigit sa isang oras.

Kabilang sa mga humanay upang makalapit sa SUPERSTAR

ay ang isang 102 taong gulang na Noranian na ikinaantig ng lahat.

Nagdala din ang mga fans ng mga piling SUPERSTAR

Memorabilia at binigyan ng papremyo ang ilan sa mga may

bitbit nito.

Nakatakdang gumawa ng isang mini-series si Ms. Nora Aunor

sa TV5.

Superstar Nora Aunor, Kapatid na!

Tweet

Kinumpirma ni German Moreno ang pagbabalik ni Ms. Nora Aunor sa Pilipinas matapos ang walong taong paninirahan sa Amerika. Nakatakdang bumalik ang nag-iisang Superstar sa Pilipinas sa susunod na Martes, Agosto 2.

Sa isang live phone patch interbyu mula mismo sa Los Angeles, kinumpirma rin mismo ng Superstar ang magandang balita, “Nakaempake na po ako. Naka-ready na lahat. Excited na rin po ako makabalik matapos ang walong taon. Sa wakas makakabalik na rin. Nagpapasalamat ako sa inyo sa pakikapag-usap sa mga tao para matupad 'to at sa TV5."

Ang opisyal na anunsyo ni kuya Germs (malapit na kaibigan ni Ate Guy) sa kanyang programa sa radyo noong Miyerkules ang nagbibigay-tuldok sa bulung-bulungan kung kailan talaga babalik sa bansa ang Superstar.

Kinumpirma din ni Kuya Germs na nakatakdang gumawa ng proyekto si Ms Aunor sa TV5 na siyang magiging opisyal na tahanan ni Ate Guy sa kanyang pagbabalik-showbiz habang nasa Pilipinas. Balitang gagawa ng isang serye ang naturang Superstar. Puspusan na rin ang preparasyon para sa isang engrandeng fans' day na inihahanda ng TV5 para sa nag-iisang Superstar. Noon hanggang ngayon, tanging si Ms. Nora Aunor pa rin ang itinuturing na pinakaginawarang aktres sa Philippine Showbiz.

larawan mula sa http://superstarstruck.weebly.com