Aswang si Karel Marquez!

Tweet

Panibagong balakid na naman ang makakaharap ni Cassandra (Eula Caballero) sa kanyang misyon sa THIRD EYE ngayong Lingg! Isang aswang ang maghahasik ng lagim sa siyudad at nakasalalay kay Cassandra at sa kanyang mga kaibigan ang kaligtasan ng lahat. 

Gaganap ang aktres na si Karel Marquez sa papel ng aswang sa episode. Minsan nang nagkasama sina Karel at Eula sa primetime teleserye ng TV5 na Sa Ngalan Ng Ina na pinagbidahan ni Ms Nora Aunor.

Speaking of Nora Aunor, hindi dapat kaligtaan ang episode na ito ng Third Eye dahil may koneksyon ito sa susunod na episode kung saan isang Superstar naman ang makakaharap ng ating mga bida. 

Tutok na sa Third Eye ngayong Linggo, September 9, 9:30pm sa TV5. 

Lorna Tolentino at Nora Aunor magkakasama sa TV5!

Tweet

Kaliwa't kanan ang tine-tape ngayon ni Superstar Ms. Nora Aunor sa TV5, ito ay bilang paghahanda na rin sa nalalapit niyang pagtulak sa ibayong dagat para sa pagsabak ng kanyang pelikulang "THY WOMB" sa mga International Film Festivals.

Kamakailan ay pinost ni Ms. Lorna Tolentino sa kanyang INSTAGRAM account ang mga larawan ng eksena nila ni Ate Guy.

Hindi pa malinaw kung ano ang magiging papel ng Superstar sa suspense-thriller series na ito ng Kapatid Network na napapanood tuwing LINGGO, 930PM.

Abangan natin ang mga karagdagang detalye tungkol sa espesyal na episode na ito ng "THIRD EYE".

Eula at Ritz, maghaharap sa Third Eye

Tweet

Padami na ng padami ang tumututok sa Third Eye ng TV5 dahil sa mga kapanapanabik na mga eksena at mga kakaibang kontrabidang nakakalaban ni Cassandra (Eula Caballero). Sa Linggo, Agosto 26, si Ritz Azul ang makakatunggali ni Eula sa bago nitong epsiode. Madalas na pinagtatapat at pinagkukumpara ang dalawang dalaga pero giit ni Eula na walang namamagitang rivalry sa kanila ng kanyang kaibigan at fellow TV5 Princess na si Ritz. Excited pa nga daw si Eula dahil ito ang unang pagkakataon na magkakasama sila ni Ritz sa isang drama. Minsan nang nagkatrabaho si Eula at Ritz sa comedy show na Loko Moko.

Gagampanin ni Ritz ang papel ng isang mambabarang o mas kilala sa tawag na mangkukulam. Ano ang misteryong bumabalot sa mambabarang? May kinalaman kaya siya sa pagkawala ng boyfriend ni Cassandra? Ilan lamang iyan sa mga katanungang masasagot ngayong Linggo sa Third Eye, 9:30PM sa TV5. 

Bagong kinababaliwan: GAGA Dancers ng GAME 'n GO!

Tweet
Usap-usapan ngayon ang Game N Go Assorted Dancers o GAGA DANCERS ng TV5.

Sila ang mga naggagandahang dancers mula sa iba't ibang panig na mundo tulad ng RUSSIA, AUSTRALIA at CUBA at pinagsama-sama para painitin ang ating SUNDAY TV viewing.

(Photo PinoyExchange.com)

Narito ang isa mga performances ng GAGA DANCERS 



Mapapanood ang GAGA Dancers sa GAME N GO, 12NN every SUNDAY sa TV5.

Eula Caballero, bida sa Third Eye ng TV5!

Tweet

Simula Hulyo 29, mapapanood na ang supernatural drama ng TV5, ang Third Eye. Pinagbibidahan ito ng ilan sa pinakamagaling na artista sa industriya tulad nina Grandslam Actress na si Lorna Tolentino, award-winning actor Eddie Garcia at TV5 Princess na si Eula Caballero sa kanyang unang leading role.

Gagampanan ni Eula ang papel ni Cassandra, isang dalagang nag-iimbestiga sa misteryosong pagkawala ng kanyang nobyo. Sa kanyang paghahanap, madidisikubre ni Cassandra na meron siyang kakayahang makakita ng mga maligno at engkanto.

Mula sa direksyon nina Toppel Lee, Robert Quebral, Benedict Mique at Rahyan Carlos, kapana-panabik ang bawat episode ng Third Eye kung saan makikita ang iba’t-ibang karakter na hango sa Philippine folklore, mythology at pop culture. Hindi tulad ng nakasanayan, sa Maynila ang setting nito.

Kabilang din sa Third Eye sina Daniel Matsunaga, Victor Silayan, Clint Gabo, and Jenny Miller.

 Huwag kaligtaan ang premiere ng Third Eye sa Hulyo 29, 9:30 ng gabi pagkatapos ng Who Wants To Be A Millionaire sa TV5. 

TV5 babalutin ng hiwaga sa kauna-unahang eco-fantasyang Enchanted Garden

Tweet

Pasukin ang isang mahiwagang mundo at tuklasin ang kahulugan ng tunay na pag-ibig sa kauna-unahang eco-fantasya ng TV5, ang Enchanted Garden na magsisimula na sa Hulyo 30.

Mamangha sa hatid nitong mystical drama na paniguradong tatatak sa puso at isipan ng mga manonood. Tunghayan ang napakagandang istoryang iikot sa alitan sa pagitan ng magkakapatid, ang pananaig ng pagmamahal ng isang ina sa kanyang anak at ang kahulugan ng walang hanggang pagmamahal. Sa pamamagitan ng Enchanted Garden, nais din ng TV5 na i-angat ang kaalaman ng mga manonood tungkol sa wastong pag-aalaga sa mga likas na yaman. Layunin ng Enchanted Garden na maghatid hindi lamang ng isang de-kalidad na eco-fantasya kundi pati na rin ang pagbukas sa isipan ng mga manonood tungkol sa kahalagahan ng pag-alaga sa kalikasan. 

Sa direksyon ng mga award-winning directors na sina Joel Lamangan, Joyce Bernal at Eric Quizon, ang Enchanted Garden ay binubuo din ng mga naglalakihan at nagpipitagang Kapatid stars na sina Ruffa Gutierrez, Alice Dixson, Rufa Mae Quinto, Alex Gonzaga, BB Gandanghari at Zoren Legaspi. Kasama din sa eco-fantasya na ito ang mga leading men ng TV5 na sina Martin Escudero, Edgar Allan Guzman at Daniel Matsunaga pati na rin sina Meg Imperial, Marita Zobel, Gladys Reyes, Luz Valdez, Jim Pebangco at Tony Mabesa.

Magsisimula ang kwento ng Enchanted Garden sa mahiwagang hardin ng Eden. Ang mundong ito ay karugtong ng mundo ng mga tao pero ito ang tahanan ng mga “bantay” ng kalikasan. Pinamumunuan ito ni Reyna Jasmina (Marita Zobel), kasama ang kanyang mga anak na sina Alvera (Alice Dixson), Valerianna (Ruffa Gutierrez) at Quassia (Rufa Mae Quinto). Ang mabuting pagsasamahan ng mga magkakapatid ay susubukin ng pag-ibig nang malaman ni Valerianna ang pagmamahalan nina Menandro (Zoren Legaspi) at Alvera.

Mapapanood ang Enchanted Garden simula July 30 (LUNES) 630PM bago ang Wiltime Bigtime sa TV5!