Uge at Arnell, mapapaiyak sa Face to Face

Tweet

Kaabang-abang ang Face to Face guesting nina Eugene Domingo at Arnell Ignacio sa darating na Lunes bilang mga celebrity sawsawero’t sawsawera. Masusubok ang kanilang kakayahang makapag-bigay ng payo sa mga guests ng programa.

 Inamin nga ni Uge na isa siyang masugid na fan ng Face to Face dahil marami siyang nakukuhang magandang aral. Si Uge mismo ay naging emosyonal habang pinag-uusapan ang sinapit ng isang buntis na iginanti ng nanay ng lalaking nang-iwan sa kanya. Sa kalagitanaan kasi ng pagbubuntis ng dalaga, nagkaroon ng ibang karelasyon ang lalaki na ikinagalit ng ina nito.

Panoorin kung paano matutulungan nina Uge, Arnelli, Ateng Gelli at ng Trio Tagapayo ang mga panauhin saFace to Face sa darating na Lunes, Agosto 27.

Bagong kinababaliwan: GAGA Dancers ng GAME 'n GO!

Tweet
Usap-usapan ngayon ang Game N Go Assorted Dancers o GAGA DANCERS ng TV5.

Sila ang mga naggagandahang dancers mula sa iba't ibang panig na mundo tulad ng RUSSIA, AUSTRALIA at CUBA at pinagsama-sama para painitin ang ating SUNDAY TV viewing.

(Photo PinoyExchange.com)

Narito ang isa mga performances ng GAGA DANCERS 



Mapapanood ang GAGA Dancers sa GAME N GO, 12NN every SUNDAY sa TV5.

Artista Academy ng TV5, magbubukas na ngayong Hulyo 30

Tweet

Ang pinakamalaki at pinaka-intensive na artista search sa bansa ay magsisimula na sa pagbubukas ng Artista Academy ng TV5 ngayong July 30. Ang Artista Academy ang nag-iisang reality-based talent competition sa Pilipinas na nagbibigay ng totoong artista training mula sa isang lehitimong school of television arts. Labing-anim na finalists na may edad 16 hanggang 22 ang magpapaligsahan para sa P20 Million na total prizes at para sa karangalang maitanghal bilang Best Actor at Best Actress ng Artista Academy.

Sa pangunguna ng Artista Academy hosts na sina Cesar Montano at Marvin Agustin, masusundan ng mga manonood ang journey ng mapipiling 16 finalists na sasailalim sa extensive curriculum-based training sa Asian Academy of Television Arts (AATA) para mahasa sa pag-arte at maging certified professional actors na handang gumawa ng kanilang sariling pangalan sa industriya.

Mabibigyan ng full scholarship sa AATA ang 16 Artista Academy finalists at sasailalim sila sa komprohensibong training mula sa pinakamagagaling sa industriya, kabilang ang multi-awarded director na si Joel Lamangan, ang music master na si Louie Ocampo, ang dance guru na si Georcelle Dapat of G Force, at ilan pa sa mga tinitingala at ginagalang na TV professionals at celebrities sa bansa.

Ang acclaimed film and TV director na si Mac Alejandre na siya ring head ng TV5 Talent Center ang director ng Artista Academy. Makakatrabaho niya ang kilalang Entertainment executive at Head ng AATA na si Wilma Galvante

Bukod sa P20 Million total prizes na mapapanalunan ng Artista Academy Best Actor at Best Actress, bibigyan din sila ng TV5 ng lead roles sa isang teleserye. Hindi lamang sila makakakuha ng tamang acting training mula sa AATA para maging karapat-dapat na future stars ng industriya, sila rin ang ituturing na pinakamayaman sa lahat ng mga naging winner sa kasaysayan ng mga talent search sa bansa.

Ang Artista Academy hosts na sina Cesar Montano at Marvin Agustin ay makakasama ng 16 finalists sa kanilang pag-abot sa kanilang pangarap. Bilang Live Exam Presenter, mapapanood si Cesar tuwing Sabado ng gabi bilang host ng live performance night ng programa. Si Marvin naman ang reality host na magbabahagi ng totoong drama sa buhay ng bawat isang Artista Academy finalist gabi-gabi. Mapapanood din bilang Live Exam critics tuwing Sabado ng gabi ang Grand Slam Actress na si Lorna Tolentino at ang kilalang actress-host na si Gelli De Belen.

Mapapanood ang Artista Academy simula ngayong July 30, 930PM sa TV5!

Isang hunk at isang sexy girl kasali sa Game ‘N Go

Tweet

Ngayong Linggo na ang first episode ng Game ‘N Go ang pinakabagong Sunday noontime program ng TV5. Pinangungunahan ito ng mga batikang hosts na sina Joey de Leon, Edu Manzano, Arnell Ignacio, Gelli de Belen, at Shalani Soledad-Romulo. Pero bukod sa kanila may mga umuugong na balita na meron pang dalawang bagong mukha ang sasali sa nasabing show.

Ayon sa nasagap naming balita isang Hunk at isang Sexy Girl ang ipapakilala ng Game ‘N Go sa darating na Linggo. Heartbroken daw ang drama ng Hunk samantalang model naman ng isang sikat na food brand si Sexy Girl. Sino kaya sila? Dapat yang abangan sa Game ‘N Go ngayong Linggo, Hunyo 17 sa TV5.  

Maki-Foodtrip na kasama si Ms. Gelli De Belen!

Tweet

Oras na para baguhin ang inyong nakagawiang programa sa umaga sa isang programang mas nakakatakam. Ang bagong TV5 Kapatid na si Gelli de Belen ang magdadagdag ng sarap at ligaya sa umaga sa kaniyang pagtuklas sa mga lugar na tutugon sa inyong mga pagtatakam sa Gellicious. Magmula sa mga street food, bagong restawran, pati na rin ang mga exotic na pagkain, aalamin lahat iyan ni Gelli kasama ang kanyang food patrol.

Sa loob ng 30 minuto, makakakuha din ang mga manonood ng mga tips kung saan makakahanap ng de-kalidad ngunit murang karne, prutas, gulay at iba pa. Araw-araw, madadagdagan ang inyong kaalaman sa mundo ng pagkain dahil ihahatid ni Gelli ang lahat ng kailangan ninyong malaman.

Samahan araw-araw si Gelli de Belen sa kanyang food trip simula OCTOBER 24, 11AM sa TV5.